Mazkur hujjatga ko‘ra:
tibbiy jihozlarning ishlab chiqarish sharoitlari «ISO 13485» xalqaro standarti bilan uyg‘unlashgan milliy standart talablariga muvofiqligi yuzasidan inspeksiyadan o‘tkaziladi;
inspeksiya tibbiy jihozlarni davlat ro‘yxatidan o‘tkazish jarayonida amalga oshiriladi;
ariza va barcha hujjatlar Sog‘liqni saqlash vazirligining “Farmatsevtika mahsulotlari xavfsizligi markazi” davlat muassasasiga elektron axborot tizimi orqali taqdim etiladi;
inspeksiya jarayoni hujjatlarni tahlil qilish va joyiga chiqqan holda o‘rganish bosqichlarida amalga oshiriladi;
joyiga chiqqan holda inspeksiyadan o‘tkazish bosqichida tibbiy jihozlarni ishlab chiqarish obyektlaridagi sifat boshqaruv tizimi, mahsulotni kuzatish tizimi va ishlab chiqarish muhitining milliy standart talablariga mosligi o‘rganiladi;
inspeksiyadan o‘tkazish jarayonida aniqlangan nomuvofiqliklarni bartaraf etish uchun ariza beruvchiga muddat beriladi;
ariza beruvchi inspeksiya o‘tkazishning bosqichlari, holati va natijalarini axborot tizimi orqali kuzatib borishi mumkin;
inspeksiya natijalari jamoatchilik uchun ochiq bo‘lib, Sog‘liqni saqlash vazirligining «Farmatsevtika mahsulotlari xavfsizligi markazi» davlat muassasasining rasmiy veb-saytida e’lon qilib boriladi.
Ushbu tartib inson hayoti va sog‘lig‘i uchun xavfsiz tibbiy jihozlar muomalasini kengaytirishga xizmat qiladi.
