Vengriyaning Budapesht shahrida oʻtgan dzyudo boʻyicha jahon chempionati doirasida Xalqaro dzyudo federatsiyasi (IJF) Atletlar komissiyasi uchun saylov oʻtkazildi.
Unda jahonning turli qitʼalaridan 20 nafar nomzod ishtirok etdi.
Saylov natijasiga koʻra, Diyora Keldiyorova 2025–2029-yillar davomida komissiya aʼzosi etib saylandi.
Diyora Keldiyorova Parij-2024 Olimpiadasida mamlakatimiz tarixidagi ilk dzyudo boʻyicha oltin medalni qoʻlga kiritgan boʻlsa, endi u IJFning muhim organlaridan biri — Atletlar komissiyasida ham Oʻzbekiston nomidan faoliyat olib boradi.
Vengriya poytaxti Budapesht shahrida 93 ta mamlakatning 550 nafardan ziyod dzyudochilari ishtirokida oʻtayotgan jahon chempionatining ortda qolgan uchinchi kunida terma jamoamiz aʼzosi Shukurjon Aminova oʻz vazn toifasida dunyoning 5 nafar eng kuchli dzyudochilaridan biri nomiga musharraf boʻldi.
