Bu haqda Arktika va Antarktika tadqiqot instituti matbuot xizmati xabar berdi.
“38 yil oldin Antarktika muzligidan ajralib chiqqan sayyoradagi eng katta aysberg A23a Skosha dengizidagi okean girdobiga tushib qoldi va yana to'xtab qoldi. 1986-yilda ajralib chiqqan, Sankt-Peterburg maydonidan uch baravar katta muz giganti Ueddella dengizi hududida 30 yil to'xtab qoldi. O'tgan bahorda u kutilmaganda Antarktika yarim oroli qirg'oqlari bo'ylab Skosha dengizi tomon suzishni boshladi”, deyiladi xabarda.
Aysbergning maydoni 4366 kvadrat kilometrni tashkil etadi, deb xabar beradi tass.ru.
