“Oʻzbekneftgaz” AJ Gazli neft va gaz qazib chiqarish boshqarmasining hududlarida, shu jumladan, “Gazli” gazni qayta ishlash zavodida mobil aloqa tizimi talab darajasida emas edi.
“Oʻzbekneftgaz” AJning doimiy hamkori sanalgan “Oʻzbektelekom” AJning “UZMOBILE” kompaniyasi tomonidan “Gazli” gazni qayta ishlash zavodiga 4G aloqa tarmogʻi oʻrnatilib, sifatli aloqa tizimi yoʻlga qoʻyildi.
Hududiy menejer Ortiqboy Roʻzmetovning maʼlum qilishicha, sinov natijalariga koʻra, aloqa sifati yaxshilanib, endi bu yerda ham yuqori tezlikdagi Internet xizmatlari va sifatli aloqa xizmatidan foydalanish imkoni yaratildi.
“Oʻzbekneftgaz” AJ Matbuot xizmati