Tadbirda O'zbekiston va Turkiyaning Turk dunyosi bilan munosabatlarni yaxshilash istagi, ikki mamlakat rahbarlarining uchrashuvlari samaralari, turkiy tilli davlatlar media tashkilotlari o'rtasida hamkorlikni yo'lga qo'yish va rivojlantirish, o'zbek va turk xalqlarini azaliy do'stlik, birodarlik va qardoshlik rishtalari o'zaro bog'lab turishi, hamkorolikda turli sohalarda erishilgan yutuqlar haqida so'z yuritildi.
— Ushbu kelishuvda jurnalistlarning tajriba almashishini ta'minlash, OAVlarining o'zaro aloqalarini yo'lga qo'yish, tomonlarning hamkorlikda media tadbirlar tashkil etish kabi masalalar ham belgilangan, – deydi O'zbekiston Jurnalistlar uyushmasi raisi v.b. Xolmurod Salimov.
Ma'lumot uchun, Turk dunyosi jurnalistlar federatsiyasi (Türk dünyasi gazeteciler federasyonu) nodavlat tashkiloti bo'lib, 2014 yilda Anqarada tashkil etilgan. Federatsiya jurnalistlarni kasbiy faoliyati bo'yicha mediaolamda birlashtirish bilan birga, madaniyat, san'at va kino sohalari rivojiga munosib hissa qo'shib kelmoqda, dunyoning ko'plab davlatlari jurnalistlar tashkilotlari bilan hamkorlik aloqalarini yo'lga qo'ygani ham e'tirofga molik.
Xabaringiz bor, O'zbekiston Jurnalistlar uyushmasi va Umumxitoy Jurnalistlar assotsiatsiyasi o'rtasida 2023 yil 15 iyunda tuzilgan hamkorlik kelishuvi ijrosi doirasida, Uyushma sa'y-harakati bilan ingliz tilini yaxshi biladigan, Uyushma a'zosi bo'lgan uch nafar yosh jurnalist joriy yilning 11-25 oktyabr` kunlari Xitoyda o'tkazilayotgan o'quv-seminar mashg'ulotlarida ishtirok etmoqda.
O'zbekiston Jurnalistlar uyushmasi tomonidan bu boradagi ishlar davom ettiriladi.
O'zbekiston Jurnalistlar uyushmasi Axborot xizmati
