Mustaqil aholini roʻyxatga olish va demografik tashkilot World Population Review maʼlum qilishicha, 2022-yil oxirida Hindiston aholisi 1,417 milliardni tashkil etadi.
Bu koʻrsatkich rasmiy maʼlumotlarga koʻra 1,412 milliardni tashkil etadigan Xitoy aholisidan 5 millionga koʻp demakdir.
Birlashgan Millatlar Tashkiloti bu muhim bosqichga shu yil oxirida erishilishini kutgan. WPR maʼlumotlariga koʻra esa, Hindiston aholisi 18-yanvar holatiga koʻra 1,423 milliardga yetdi.
Maʼlum boʻlishicha, 2021-yilda mamlakat pandemiya tufayli yuzaga kelgan uzilishlar tufayli soʻrovlarni keyinga qoldirgandan keyin har oʻn yilda amalga oshiriladigan aholini roʻyxatga olish maʼlumotlarini eʼlon qilmagan.
BMT prognozlariga koʻra, 2050-yilga borib Hindiston va Xitoy oʻrtasidagi aholi soni boʻyicha farq 300 million kishidan oshadi.
Xitoy Statistika byurosining rasmiy maʼlumotlariga koʻra, soʻnggi bir yil ichida Xitoy aholisi 850 ming kishiga kamaygan.
