Qayd etilishicha, 2003-yilda boshlangan qurilish ishlari Hindistonga 160 million dollarga tushgan. Koʻprikda -10 darajadan +40 darajagacha boʻlgan haroratga chidamli poʻlat materiallardan foydalanilgan.
Koʻprik Chenob daryosi ustidan oʻtgan boʻlib, u dengiz sathidan 359 metr balandlikda qurilgan. Inshootning umumiy uzunligi 1,3 kilometrdan ortiqni tashkil etadi.
Chenob temir yoʻl koʻprigi dizayndagi ixtirochilik va qurilish mahoratini namoyish etadi. U aloqalarni mustahkamlaydi, shu tariqa savdo-sotiq, tijorat va turizmni ragʻbatlantiradi, — dedi Hindiston bosh vaziri.
6-iyun kuni koʻprikdan ilk bor ikkita yoʻlovchi poyezdi oʻtgan. Mazkur koʻprik 272 kilometrlik Udxampur—Srinagar—Baramulla (USBRL) temiryoʻl liniyasining bir qismi hisoblanadi. U Jammu va Kashmirning olis hududlarini Hindistonning qolgan qismi bilan bogʻlaydi.
