Unda ishtirok etgan Toshkent viloyati hokimi Davron Hidoyatov yoshlarga oʻzining samimiy tilaklarini izhor qildi.
Shuningdek, tadbirda D.Hidoyatov tomonidan Tokio-2020 yozgi Olimpiya hamda Paralimpiya oʻyinlariga yoʻllanmalarni qoʻlga kiritgan bir guruh Toshkent viloyati sportchilariga uy, “Spark” rusumli avtomobillar hamda pul mukofotlari topshirildi.
Tantanali bayramda el ardogʻidagi sanʼatkorlar ijrosidagi kuy-qoʻshiqlar yigʻilganlarga koʻtarinki kayfiyat ulashdi.
Jumladan, tadbirda parasuzish sportidan Tokio-2020 Paralimpiya oʻyinlariga yoʻllanma olgan Islam Aslanovga 2 xonali uy, taekvondo WT boʻyicha terma jamoa aʼzosi Svetlana Osipova hamda yunon-kum kurashchisi Elmurod Tasmuradovlarning har biriga “Spark” avtomobili, paralimpiyachilarimiz Shahnoza Mirzayeva hamda Haitmurod Sherqoʻziyevlarga 50 million soʻmdan pul mukofoti, Saidjabbor Dadaxonovga esa zamonaviy sport velosipedi sovgʻa qilindi.
Fursatdan foydalanib, Tokio-2020 yozgi Olimpiya hamda Paralimpiya oʻyinlarida ishtirok etish huquqini qoʻlga kiritgan barcha sportchilarimizga omad tilaymiz.
