Husanov Angliya Premyer Ligasining eng tezkor futbolchilaridan biriga aylandi

    Oʻzbekiston milliy terma jamoasi va “Manchester Siti” klubi himoyachisi Abduqodir Husanov Angliya Premer Ligasining eng tezkor futbolchilaridan biriga aylandi, deb xabar beradi Give me Sport.

    Reytingga koʻra, Husanov 36,27 km/soat tezlik bilan 2024/25-yilgi mavsumda eng yuqori tezlik koʻrsatgan futbolchilar roʻyxatida 8-oʻrinni egalladi. Himoyachi chempionatning 28-turi doirasidagi “Nottingem Forest”ga qarshi bahsda ushbu natijani qayd etgan.

    Nashr maʼlumotlariga koʻra, oʻtgan mavsumda Premer Liganing eng tezkor futbolchisi — “Tottenhem” himoyachisi Mikki van de Ven boʻlgan. Niderlandiyalik futbolchi 37,38 km/soat tezlik bilan reytingda birinchi oʻrinni egallagan. Ikkinchi pogʻonani “Nyukasl”ning yangi aʼzosi, shvetsiyalik Entoni Elanga band etdi — u 36,65 km/soat tezlikda harakatlangan. Aynan shu natijani qayd etgan Brayan Mbeumo (“Brentford”) kuchli uchlikni yakunladi.

    Premer Liganing eng tezkor futbolchilari (2024/25):

    1. Mikki van de Ven — “Tottenhem”: 37,38 km/soat
    2. Entoni Elanga — “Nyukasl” / “Nottingem Forest”: 36,65 km/soat
    3. Bryan Mbeumo — “Brentford”: 36, 65 km/soat
    4. Karlos Borjes — “Vulverhempton” / “Ayaks”: 36,58 km/soat
    5. Yankuba Minte — “Brayton”: 36,40 km/soat
    6. Uilson Odober — “Tottenhem”: 36,36 km/soat
    7. Abduqodir Husanov — “Manchester Siti”: 36,27 km/soat
    8. Emmanuel Agbadu — “Vulverxempton”: 36,15 km/soat
    9. Erling Holand — “Manchester Siti”: 36,01 km/soat
    10. Markus Reshford — “Manchester Yunayted”: 35,35 km/soat

    Maʼlumot uchun, Abduqodir Husanov 2025-yilning qishki transferlar oynasi vaqtida Fransiyaning “Lans” klubidan “Manchester Siti”ga oʻtgan edi. U “shaharliklar” safida Angliya Premyer Ligasi doirasidagi 6 bahsda maydonga tushgan. Shuningdek, Angliya Kubogida 2 ta, Chempionlar Ligasi hamda Klublar oʻrtasidagi Jahon chempionatida bittadan uchrashuvda ishtirok etgan. Himoyachining “Siti” bilan shartnomasi 2029-yilning yoziga qadar amal qiladi.