Рейтингке бола, Ҳусанов 36,27 км/саат тезлик пенен 2024/25-жылғы мәўсимде ең жоқары тезлик көрсеткен футболшылар дизиминде 8-орынды ийеледи. Қорғаўшы чемпионаттың 28-туры шеңберинде "Ноттингем Форест"қа қарсы ойында усындай нәтийжени көрсеткен.
Басылым мағлыўматларына бола, өткен мәўсимде Премьер-Лиганың ең тез футболшысы - "Тоттенҳем" қорғаўшысы Микки ван де Вен болған. Нидерландиялы футболшы 37,38 км/саат тезлик пенен рейтингте биринши орынды ийелеген. Екинши орынды "Ньюкасл"дың жаңа ағзасы, швециялы Энтони Эланга ийеледи - ол 36,65 км/саат тезликте ҳәрекет еткен. Әйне усы нәтийжени көрсеткен Браян Мбеумо ("Брентфорд") күшли үшликти жуўмақлады.
Премьер-лигадағы ең тез футболшылар (2024/25):
Микки ван де Вен - "Тоттенхем": 37,38 км/саат.
Энтони Эланга - "Ньюкасл" / "Ноттингем Форест": 36,65 км/саат
Браян Мбеумо - "Брентфорд": 36, 65 км/саат;
Карлос Борхес - "Вулверхемптон" / "Аякс": 36,58 км/саат.
Янкуба Минте - "Брайтон": 36,40 км/саат;
Уилсон Одобер - "Тоттенхем": 36,36 км/саат.
Абдуқодир Ҳусанов - "Манчестер Сити": 36,27 км/саат
Эммануел Агбаду - "Вулверхемптон": 36,15 км/саат;
Эрлинг Холанд - "Манчестер Сити": 36,01 км/саат
Маркус Рэшфорд - "Манчестер Юнайтед": 35,35 км/саат
Мағлыўмат ушын, Абдуқодир Ҳусанов 2025-жылдың қысқы трансферлер айнасы ўақтында Францияның "Ланс" клубынан "Манчестер Сити"не өткен еди. Ол "қалалылар" ушын Англия Премьер-лигасы шеңберинде 6 ойында майданға шыққан. Сондай-ақ, Англия кубогында 2, Чемпионлар Лигасы ҳәм Клублар арасындағы Жәҳән чемпионатында биреўден ушырасыўда қатнасқан. Қорғаўшының "Сити" менен шәртнамасы 2029-жылдың жазына шекем әмел етеди.
