Kuni kecha Namangan shahridagi “Yoshlar markazi”da ana shunday imtiyoz asosida oʻqishga qabul qilingan 76 nafar qizni taqdirlash marosimi boʻlib oʻtdi.
Unda viloyat Mahalla va oilani qoʻllab-quvvatlash boshqarmasi boshligʻining birinchi oʻrinbosari Iroda Qoʻchqorova, Yoshlar ishlari agentligi viloyat boshqarmasi boshligʻi Tohirjon Karimov tomonidan talabaga aylangan qizlarga samimiy tabriklar yoʻllandi va guldastalar taqdim etildi.
- Yaqinda 18 yoshga kirdim. Bugun esa shodligim qoʻshaloq boʻldi, juda baxtliman. Garchi imkoniyatim cheklangan boʻlsada, aslo ruhimni tushirmayman. Hayotga muhabbatim, odamlarga mehrim boshqacha. Bolaligimdan tikuvchilikka, chizish-boʻyashga, nimadir yangilik yaratishga ishtiyoqim kuchli. Shuning uchunmi, gʻayrat-shijoat, sevgan mashgʻulotim boʻyicha intilishdan toʻxtamayman. Talaba boʻlish barchaning orzusi, shukur, niyatim oʻz vaqtida ushaldi, maqsadimga imtiyozli tarzda erishdim. Qarang, moʻjiza roʻy berib, Namangan muhandislik-texnologiya institutining “dizaynerlik” yoʻnalishiga davlat granti asosida talabalar safidaman. Bunga Prezidentimizning tegishli koʻrsatmasiga muvofiq Namangan shahar mahalla va oilani qoʻllab-quvvatlash boʻlimi tomonidan tavsiya etilganimdan gʻoyat xursandman va minnatdorman, - deydi biz bilan suhbatda Namangan shahridagi 51-maktab bitiruvchisi, 1-guruh nogironi Robiya YUSUPOVA.
Orifjon JOʻRAYEV,
“Yangi Oʻzbekiston” muxbiri.