Tomonlar turizm sohasidagi ikki tomonlama hamkorlikni kengaytirish masalalarini muhokama qildilar. Xususan, Oʻzbekiston va Iroq oʻrtasida bu borada katta salohiyat mavjudligi taʼkidlandi.
Shuningdek, Iroq tomoniga Oʻzbekistonda turistlar uchun yaratilayotgan qulay sharoitlar va sohada olib borilayotgan keng koʻlamli ishlar boʻyicha batafsil maʼlumot berildi.
Uchrashuvda tomonlar turizm sohasida hamkorlikning normativ-huquqiy asoslarini yaratish, davlatlarda oʻtkaziladigan sohaga tegishli yirik tadbirlarda ishtirok etish, oʻzaro turistlar oqimini oshirish, jumladan, iroqliklar uchun ziyorat turizmni yoʻlga qoʻyishga kelishib olindi, deb xabar beradi Turizm qoʻmitasi matbuot xizmati.