Isteʼmolga yaroqsiz goʻsht mahsulotlari tegishli tartibda yoʻq qilindi

Xavfsizlik 12 fev 2021, 21:58 959

Sirdaryo viloyati Sirdaryo tumani hududida joylashgan “Sirdaryo” YPX maskanidan harakatlanib oʻtayotgan Buxoro viloyati Gijduvon tumanida yashovchi K.B. boshqaruvidagi “Isuzu” rusumli avtomashina Sirdaryo viloyati IIB YHXB hamda PPX va JTSB karantin guruhi xodimlari tomonidan toʻxtatilib tekshirilganda, 210 kg goʻsht mahsulotlari borligi aniqlandi.

Ushbu goʻsht mahsulotlari isteʼmolga yaroqliligini tekshirish uchun viloyat XKT va OOXT Markazida laboratoriya tekshiruvlaridan oʻtkazildi. Tekshiruv natijalariga koʻra ushbu goʻsht mahsulotlari insonlar isteʼmoli uchun yaroqsizligi aniqlanib, viloyat IIB PPX va JTSB Karantin guruhi xodimlari tomonidan hujjatlar rasmiylashtirilib tegishli tartibda yoʻq qilindi.

Holat yuzasidan toʻplangan hujjatlar qonuniy chora koʻrishlik uchun Oʻzbekiston Respublikasi Bosh prokuraturasi xuzuridagi IJKK departamentining Sirdaryo viloyati boshqarmasiga topshirildi.

Sirdaryo viloyati IIB Axborot xizmati