Maʼlum qilinishicha, demokratlar mamlakat prezidenti Yun Sok Yol va boshqa rasmiylarni davlat toʻntarishiga urinishda ayblash va impichment jarayonini boshlash niyatida.
«Biz harbiy holatning konstitutsiyaga zid va noqonuniy joriy etilgani uchun davlat toʻntarishi jinoyati sifatida jazolanishini soʻraymiz... Qoʻzgʻolon uchun prezident Yun Sok Yol, mudofaa vaziri Kim Yon Xyon va ichki ishlar va xavfsizlik vaziri Li San Minga qarshi ayblovlar qoʻyamiz va ularga impichment qoʻzgʻatamiz, dedi Demokratik partiyaning bosh vakili Cho Sin Ne.
Uning soʻzlariga koʻra, partiya, shuningdek, Harbiy holat qoʻmondonligi bosh qoʻmondoni, politsiya boshligʻi va harbiy va politsiya orasidan voqeaning boshqa muhim ishtirokchilariga qarshi qoʻzgʻolon ayblovlarini qoʻyadi.
“Ushbu voqea butun mamlakatga maʼlum boʻlgan aniq isyon boʻlgani uchun huquq-tartibot idoralari zudlik bilan tergov ishlarini boshlab, aybdorlarni javobgarlikka tortishi kerak”, dedi u.
Boshqa ilgʻor partiyalar ham prezidentning isteʼfosi yoki impichmentini talab qilmoqda, shu bois muxolifat “birlashgan front” tuzdi, deb yozadi Ryonxap.
Parlamentning yalpi majlisida prezidentning impichmentini maʼqullash uchun barcha deputatlarning yarmidan koʻpi ishtirok etishi va hozir boʻlganlarning uchdan ikki qismining roziligi talab qilinadi. Parlamentning 300 deputatdan iborat hozirgi tarkibi bilan impichmentni tasdiqlash uchun kamida 200 ovoz kerak. Demak, muxolifatning 192 ovoziga hukmron partiyaning kamida 8 ovozi qoʻshilishi kerak. Agar impichment yalpi majlisda qabul qilinsa, prezidentning vakolatlari darhol toʻxtatiladi.
Chorshanbaga oʻtar kechasi Janubiy Koreya prezidenti “Shimoliy Koreyani qoʻllab-quvvatlovchi kuchlarni tozalash va liberal konstitutsiyaviy tuzumni saqlab qolish uchun” harbiy holat joriy etilganini eʼlon qildi. Uning soʻzlariga koʻra, unga qarshi impichment jarayonini oʻtkazishga urinishlar hokimiyatni falaj holatga keltirishi mumkin.
Janubiy Koreya parlamenti harbiy holatni bekor qilishga ovoz berdi. Yigʻilishda 300 nafar deputatdan 190 nafari ishtirok etdi va ularning barchasi bir ovozdan ovoz berdi. Koreya Respublikasi Konstitutsiyasiga koʻra, parlament koʻpchilik ovoz bilan uning joriy etilishiga qarshi ovoz berganidan keyin prezident mamlakatda harbiy holatni bekor qilishi shart. Ovoz berishdan uch soatdan koʻproq vaqt oʻtgach, prezident harbiy holatni bekor qilishga vaʼda berdi. Tez orada mamlakat hukumati harbiy holatni bekor qilishni yoqladi.
Qurolli kuchlarda tuzilgan harbiy holat qoʻmondonligi tugatildi, deb xabar beradi ria.ru.
