Unga koʻra:
Qoʻngʻirot tumani hududida davlat tabiatni muhofaza qilish muassasasi shaklida umumiy maydoni 1 447 143 gektar boʻlgan “Janubiy Ustyurt” milliy tabiat bogʻi barpo etiladi.
Qaror bilan:
Tabiat bogʻining xoʻjalik maqsadida foydalanish zonalaridagi yerlar ushbu hududlarda joylashgan yer egalari, yerdan foydalanuvchilar va ijarachilar ixtiyorida qoladi;
Tabiat bogʻi Davlat ekologiya qoʻmitasining tarkibiy boʻlinmasi hisoblanadi;
Tabiat bogʻi Davlat ekologiya qoʻmitasining Ekologiya, atrof-muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hamda qonun hujjatdarida taqiqlanmagan boshqa manbaalar hisobiga moliyalashtiriladi.
Ushbu meʼriy hujjat bilan:
“Janubiy Ustyurt” milliy tabiat bogʻining umumiy maydoni;
“Janubiy Ustyurt” milliy tabiat bogʻiga doimiy foydalanish huquqi asosida beriladigan yer uchastkalarining maydoni;
“Janubiy Ustyurt” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydoni;
Tabiat bogʻi ijro etuvchi apparatining tuzilmasi tasdiqlandi.
