Uchrashuvda Oʻzbekistonda taʼlim sohasining rivojlanishi bilan tanishish, shuningdek, hamkorlik imkoniyatlari muhokama etildi.
Toshkent shahridagi Yaponiya raqamli universiteti bitiruvchilari 3 ta: Oʻzbekiston davlat jahon tillari universiteti, Japan Digital University hamda Yaponiyadagi universitetlardan birining diplomini qoʻlga kiritish imkoni mavjud.
Ushbu universitet missiyasi dunyo miqyosida yetuk kadrlarni tayyorlash orqali aholi yaxshi yashashiga koʻmaklashish va Oʻzbekiston-Yaponiya munosabatlarini yangi bosqichga olib chiqishga hissa qoʻshadi.
Uchrashuv davomida raqamli texnologiyalar sohasida hamkorlikni rivojlantirish masalalariga ham eʼtibor qaratildi. Shu bilan birga, AKT vazirligi bilan hamkorlik qilgan holda taʼlim sifatini taʼminlash, korxona va tashkilotlar bilan universitet oʻrtasidagi sheriklik aloqalarini yangi bosqichga olib chiqish boʻyicha takliflar bildirildi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.