Joylarda yangi barpo etilayotgan maktablarda qurilish jarayonlarining borishi qanday?

Ta'lim 1 iyn 2022, 11:24 3 277

Xalq ta'limi vaziri Baxtiyor Saidov boshchiligidagi ishchi guruh maktablarda yangi o'quv yiliga tayyorgarlikning borishi bilan tanishish maqsadida Toshkent viloyatidagi ta'lim muassasalari sharoiti bilan tanishdi.

Xususan, ishchi guruh Investitsiya dasturi asosida qurilish-ta'mirlash ishlari olib borilayotgan ta'lim muassasalarida bo'ldi.

Dastlab, Yuqori Chirchiq tumanidagi 18-maktab filiali o'rnida barpo etilayotgan 330 o'rinli yangi maktab binosi hamda sport zalining qurilishi bilan tanishildi. Maktab qurilishini sifatli amalga oshirib, 1 avgustga qadar jihozlar bilan to'liq ta'minlash topshirig'i berildi.

Vazir, shuningdek, O'rta Chirchiq tumanidagi 43-sonli umumta'lim maktabi bilan tanishib, bu yerda ham ta'lim-tarbiya sifatini yaxshilash, o'quvchilarning yozgi ta'tilini mazmunli tashkil etish, yangi o'quv yiliga qadar munosib sharoitlar hozirlash yuzasidan taklif va tavsiyalar berdi, deya xabar beradi Toshkent viloyati hokimligi Axborot xizmati.