Garchi dunyoda koronavirus infeksiyasining taxminan 20 million holati mavjud boʻlsada, undan vafot etganlar soni 750 mingga yaqin boʻlsada, pandemiyaga qarshi kurashda umid beradigan asoslarimiz bor. Bu haqda Jahon sogʻliqni saqlash tashkiloti bosh direktori Tedros Gebreyesus maʼlum qildi, deb yozadi RIA novosti oʻz sahifalarida.
"Hozir sizlarning koʻpchiligingiz qaygʻu chekmoqdasiz. Toʻgʻri, ayni paytda butun dunyo ahli qiyin vaziyatda qolgan. Ammo men aniq shuni bilamanki, qayerda yashashingizdan qatʼiy nazar, shahardami yoki qishloqdami, koronavirus avjini qaytarish uchun hech qachon kech boʻlmaydi, - deydi Tedros Gebreyesus.
U koronavirus infeksiyasiga qarshi kurashda Yangi Zelandiya, Ruanda va Karib havzasi va Tinch okeanidagi bir qator orol shtatlaridan namuna olishni maslahat berdi. Ular SARS-CoV-2 tarqalishini erta toʻxtatishga muvaffaq boʻlishdi. Shuningdek, Gebreyesus dunyo rahbarlarini qatʼiy harakat qilishga va fuqarolarni cheklov choralariga rioya qilishga chaqirdi.
— Mening xabarim juda aniq: virusni yoʻq qilish, yoʻq qilish va yana bir bor yoʻq qilish, — deya taʼkidladi u.
Avvalroq JSST rahbari koronavirusni yoʻq qiladigan mukammal vosita mavjud emasligini va u hech qachon paydo boʻlmasligi mumkinligini aytgan edi.
