Strategik reja 2024-yil sentyabridan 2025-yil fevraligacha amal qiladi va 135 million dollar mablagʻ talab qiladi. Global, mintaqaviy va milliy saʼy-harakatlarni muvofiqlashtirib, dastur kuzatuv va javob strategiyalarini yaxshilash, diagnostika va vaksinalardan adolatli foydalanishni taʼminlash, hayvonlardan odamga yuqishni kamaytirish va epidemiyaga qarshi kurashish uchun jamoalarni kuchaytirishga qaratilgan.
Emlash rejasi xavf ostida boʻlgan bemorlar va tibbiyot xodimlarining yaqin doiralari kabi infeksiya zanjirlarini buzishga qaratilgan. Asosiy eʼtibor strategik yoʻl-yoʻriq va tavsiyalar berish, shuningdek, zarar koʻrgan hududlardagi zaif aholining tibbiy yordamdan foydalanishini taʼminlashga qaratiladi.
— Kongo Demokratik Respublikasi va qoʻshni mamlakatlarda chechak epidemiyasini nazorat qilish va toʻxtatish mumkin, — dedi JSST Bosh direktori Tedros Adxanom Gebreyesus.
JSST bayonotiga koʻra, tez orada mablagʻ yigʻish uchun murojaat boshlanadi.
