“Yakshanba kuni Los-Anjeles markazida jami 27 nafar hibsga olindi”, dedi shahar politsiyasi boshlig'i Djim Makdonnell kechki matbuot anjumanida, deb xabar bermoqda CNN.
Bundan tashqari, politsiya ma'lumotlariga ko'ra, bir kun oldin San-Fransiskoda 60 ga yaqin namoyishchi qo'lga olingan. Ularning so'zlariga ko'ra, aktsiya tinch boshlanganiga qaramay, tartibsizliklarga aylangan: ishtirokchilarning ba'zilari o'zlarini tajovuzkor tarzda tuta boshlagan, xavfsizlik kuchlari hujumlar, buzg'unchilik va patrul mashinasiga zarar yetkazilganini qayd etgan. Shu bilan birga, namoyishchilar tarqalishdan bosh tortishdi.
“60 ga yaqin kishi qo'lga olindi, ular orasida voyaga yetmaganlar ham bor. Voqea joyidan bir dona o'qotar qurol topildi”, deb xabar berdi boshqarma, X ijtimoiy tarmog'idagi sahifasida.
Ikki nafar politsiyachi ham yaralangan, ulardan biri shifoxonaga yotqizilgan.
AQSh Immigratsiya va bojxona nazorati (ICE) tomonidan Los-Anjeles shahar markazida noqonuniy muhojirlarni aniqlash uchun o'tkazgan reyd avvalroq namoyishchilar bilan to'qnashuvga aylangan edi. Oq uy matbuot kotibi Karolin Levitt shaharga Milliy gvardiyaning ikki ming askari jo'natilishni ma'lum qildi. O'z navbatida, AQSh mudofaa vaziri Pit Xegset Los-Anjelesga dengiz piyodalari korpusini joylashtirish imkoniyatini istisno etmadi.
20-yanvar inauguratsiya kuni Donald Tramp AQShning 47-prezidenti sifatidagi birinchi nutqida noqonuniy muhojirlarning Amerika hududiga kirib kelishini zudlik bilan to'xtatishga va millionlab muhojirlarni ekstraditsiya qilish jarayonini boshlashga va'da berdi. Shuningdek, u AQShning janubiy chegarasidagi vaziyat tufayli butun mamlakat bo'ylab favqulodda holat e'lon qildi, deb xabar beradi ria.ru.
