Quyidagi toifadagi shaxslarga avtomobil benzini sotib olish xarajatlarining bir qismi uchun oylik pul kompensatsiyasi toʻlanadi:
- urush qatnashchilari va ularga tenglashtirilgan shaxslar;
- urush faxriylari va ularga tenglashtirilgan shaxslar;
- mehnatda mayib boʻlish va kasb kasalligi tufayli I va II guruh nogironlar;
- I va II guruh bolalikdan nogironlar.
Ushbu kompensatsiyani olish uchun yuqorida keltirilgan toifadagi shaxslar yengil avtomobil, motoaravacha yoki mototsiklga ega boʻlishi hamda undan foydalanayotgan boʻlishi kerak.
Eslatib oʻtamiz, 2023-yil 3-iyulda ushbu turdagi kompensatsiyaning yangi miqdori belgilangan.
Kompensatsiya olish huquqiga ega boʻlgan shaxslar yashash joyi boʻyicha pensiya va nafaqalar tayinlaydigan organlarga murojaat qilishlari mumkin.
