Para dzyudo boʻyicha ayollar oʻrtasida J2 klassida -57 kg vazn toifasida final bahsida ishtirok etgan hamyurtimiz Kumush Xodjayeva yaponiyalik Xirose Junkoga qarshi tatamiga chiqdi.
Hamyurtimiz hal qiluvchi bellashuvda imkoniyatni boy berdi va delegatsiyamiz hisobiga navbatdagi kumush medalni qoʻshib qoʻydi.
Para pauerlifting boʻyicha ayollar oʻrtasida -73 kg vazn toifasida bahslarda ishtirok etgan hamyurtimiz Roʻza Kuziyeva 147 kg natija qayd etgan holda delegatsiyamiz hisobiga 9-kumush medalni qoʻshib qoʻydi.
Para yengil atletika boʻyicha ayollar oʻrtasida F54 klassida nayza uloqtirish dasturida Nurxon Qurbonova 21.12 metr natija qayd etgan holda jahon rekordini yangiladi va delegatsiyamiz hisobiga 10-oltin medalni qoʻshib qoʻydi.
