Bugun respublika boʻyicha yomgʻir yogʻadi, shimolda yogʻingarchilik (yomgʻir, qor) boʻladi. Faqat Fargʻona vodiysi viloyatlarida yogʻingarchilik kutilmaydi. Qolgan hududlarda esa tuman tushishi saqlanib turadi. Havo harorati kunduzi 12-17^o iliqni, shimolda 0-5^o iliqni tashkil etadi. Baʼzi joylarda shamol 15-20 m/s gacha kuchayadi.

Seshanba va chorshanba kunlari shimoliy hududlardan tashqari Oʻzbekistonning qolgan barcha hududlari boʻyicha baʼzi joylarda yomgʻir yogʻadi. 29-noyabrda ayrim joylarda shamol 15-20 m/s gacha kuchayadi. Kechasi va ertalab baʼzi joylarga tuman tushishi mumkin. Ushbu kunlarda harorat kechasi va kunduzi 5-10^o iliqni tashkil etadi.

Oʻzbekistonda qish oʻz vaqtida boshlanadi. 1-dekabrga oʻtar kechasi Toshkent, Samarqand, Jizzax, Sirdaryo viloyatlarida va Fargʻona vodiysi viloyatlarida baʼzi joylarda yogʻingarchilik (yomgʻir, qorga aylanishi mumkin) boʻladi. Harorat kechasi 0-5^o iliq boʻladi, kunduzi 2-7^o iliqdan oshmaydi.

2-dekabarda mamlakatimiz hududida kam bulutli va sovuq ob-havo boʻlishi kutilmoqda, havo harorati kechasi 0-5^o sovuqgacha, kunduzi 0-5^o iliqgacha pasayadi.

29-noyabr – 1-dekabrda respublikaning togʻ oldi va togʻli hududlarida yogʻingarchilik vaqti-vaqti bilan kuchli boʻladi.