– “Mol-mulkni lizingga berish – bu tovarlarni realizatsiya qilish boʻyicha QQS solinadigan aylanma SK 239-m., 1-q.. Moliyaviy ijara (lizing) shartnomalari boʻyicha operatsiyalarni amalga oshirishda QQS boʻyicha soliq bazasini belgilashning oʻziga xos xususiyati SKning 249-moddasida belgilangan.
Mol-mulkni lizingga berish
Mol-mulkni lizingga berishda lizing beruvchining soliq bazasi QQSsiz barcha davriy lizing toʻlovlarining summasi sifatida belgilanadi (agar shartnomada koʻzda tutilgan boʻlsa xarid summasi ham). Bunda lizing beruvchining foizli daromadi chegirib tashlanadi.
SKning 246-moddasiga muvofiq soliq solishdan ozod etilgan olib kirilgan texnologik uskunani lizingga berishda soliq bazasini uskunani xarid narxi va realizatsiya qilish narxi oʻrtasidagi ijobiy farqdan kelib chiqib aniqlang.
Mol-mulkni lizingga berish boʻyicha xizmatlar foizli daromadlar olishga taalluqli qismida QQSdan ozod etiladi.
Lizing oluvchi lizing obyektini olishda hisobga olishning barcha shartlariga muvofiq kelgan taqdirda QQSni hisob olishga haqli.
Lizing obyektini qaytarish
Shartnoma talablari bajarilmaganligi tufayli lizing obyektini qaytarishda lizing oluvchi soliq bazasini qaytarish sanasida u tomonidan obyekt (QQSsiz) uchun toʻlanmagan lizing toʻlovlari summasi miqdorida belgilaydi. Bunda lizing oluvchining foizli xarajati chiqarib tashlanadi.
Lizing oluvchi mustaqil ravishda soliq bazasini belgilashi bois, u lizing beruvchi nomiga QQS summasi ajratilgan EHF taqdim etadi. Ushbu EHF asosida lizing beruvchi SK muvofiq hisobga olishning barcha shartlariga muvofiq kelgan taqdirda QQSni hisob olishga haqli.