Mazkur qarorlar ijrosini taʼminlash maqsadida O‘zbekiston Respublikasi Mahalla va oilani qo‘llab-quvvatlash vazirligi huzuridagi “Mahalla va oila” ilmiy-tadqiqot instituti tomonidan bajarilayotgan “Oilada nogironligi bo‘lgan, yetim va ota-ona qaramog‘idan mahrum bo‘lgan bolalarni ijtimoiylashtirish muammolarini tadqiq etish” mavzusidagi qisqa muddatli ilmiy loyiha doirasida Toshkent viloyatidagi “Mehribonlik” uylari va ixtisoslashtirilgan maktab-internatlarida dala tadqiqotlari hamda savol-javob treninglar tashkil etish rejalashtirilgan edi.
Shu munosabat bilan O.Musurmanova (loyiha rahbari), D.Mirzajonova, F.Qodirova, M.Umaraliyeva, Z.Alimardonov, G‘.Ikmatullayevlardan iborat loyiha ishtirokchilari Toshkent viloyatining Chirchiq shahridagi 14-Mehribonlik uyi hamda 23-sonli aqli zaif bolalar uchun maktab internatida bolalar, o‘qituvchi-tarbiyachilar, ota-onalar, vasiylar va homiylar bilan tadqiqotlar hamda qiziqarli madaniy-maʼrifiy tadbirlar o‘tkazdilar.
