Unga muvofiq, Xalq taʼlimi vazirligi ochiq tanlovga hujjat topshirgan nomzodlarni besh kun ichida malaka talablari asosida saralashi (dastlabki bosqich), Xalq deputatlari tuman (shahar) Kengashlariga yuborilishini taʼminlashi, oʻz navbatida Kengashlar oʻn besh kun ichida ularning uch yillik istiqboldagi dasturi taqdimotini koʻrib chiqqan holda eng munosib nomzodni tanlashi lozim.
Bunda 2022-yil 1-sentyabrdan boshlab maktab direktorlarini sertifikatlash tizimi joriy qilinib, faqat sertifikatga ega nomzodlar Xalq deputatlari tuman (shahar) Kengashlariga yuboriladi.
Yigʻilishda kiritilgan muhim oʻzgarishlarning mazmun-mohiyati tizimdagi kadrlar boʻlinmalari rahbarlariga batafsil tushuntirib berildi.