Uchrashuv davomida Oʻzbekiston Respublikasi maktabgacha taʼlim tizimini raqamlashtirishga qaratilgan “S-board” dasturini amalga oshirishning dolzarb masalalari muhokama etildi.

Uchrashuv doirasida Chungrim Xan xonim Koreya tomoni Maktabgacha taʼlim agentligi bilan Oʻzbekiston Respublikasi maktabgacha taʼlim tizimiga yangi ilgʻor innovatsion gʻoyalar, ishlanmalar va texnologiyalarni joriy etishning turli yoʻnalishlari boʻyicha oʻzaro manfaatli hamkorlikni rivojlantirishga intilayotganini taʼkidlab oʻtdi.

Muzokaralar yakunida tomonlar maktabgacha taʼlim tizimini rivojlantirishga qaratilgan hamkorlikdagi ishlarni davom ettirish va Oʻzbekiston Respublikasi Maktabgacha taʼlim vazirligi va Koreyaning “Edulink Global” taʼlim kompaniyasi oʻrtasida imzolangan hamkorlik toʻgʻrisidagi memorandum bandlarini amalga oshirishni jadallashtirish zarurligi toʻgʻrisida kelishuvga erishdilar. deb xabar beradi Maktabgacha taʼlim agentligi matbuot xizmati.