Maktablarda qishki taʼtil 29-dekabrdan, III chorak darslari 13-yanvardan boshlanadi. Bu haqda Maktabgacha va maktab taʼlimi vazirligi xabar berdi.

Ota-onalar, oʻquvchilar va pedagoglarga qulaylik yaratish hamda oʻquv jarayonlarining uzluksizligini taʼminlash maqsadida qishki taʼtil kunlari 2024-yil 29-dekabrdan boshlanib, 2025-yil 11-yanvarga qadar davom etadi.

Bunda maktablarda 2025-yil 11-yanvar (shanba) kuniga belgilangan darslar 2024-yil 28-dekabr (shanba) kuniga oʻtkaziladi hamda oʻquv yilining 3-choragi 2025-yil 13-yanvar (dushanba)dan boshlanadi.