Shu munosabat bilan “Toshkent” aeroportida boʻlib oʻtgan tantanali marosimda “Uzbekistan Airports” kompaniyasi, Malayziyaning Oʻzbekistondagi elchixonasi, Turizm qoʻmitasi vakillari, jurnalistlar, aviaspotterlar hamda parvozning ilk yoʻlovchilari ishtirok etdi.
Kuala-Lumpur – Toshkent – Kuala-Lumpur yoʻnalishi boʻyicha muntazam parvozlar haftasiga bir marta juma kunlari Boeing 737 va Airbus A330 samolyotlarida amalga oshiriladi. Kelajakda aviatashuvchi reyslar chastotasini oshirish hamda mintaqadagi yoʻnalishlar tarmogʻini kengaytirishni rejalashtirmoqda.
“Batik Air” - Indoneziyaning “Lion Air” loukoster aviakompaniyasining shoʻba korxonasi hisoblanadi. Bosh qarorgohi Jakartada joylashgan aviakompaniya muntazam ravishda ichki va xalqaro reyslarni amalga oshiradi.