Oʻzbekiston delegatsiyasi Parij-2024 yozgi Paralimpiya oʻyinlarida bugungi yurishlarini davom ettirmoqda.
Bugun Para yengil atletika boʻyicha erkaklar oʻrtasida T47 klassida 400 metr masofaga yugurishda saralash bahslari oʻtkazildi.
Ushbu dasturda startga chiqqan vakilimiz Maʼrufjon Murodulloyev 49.19 soniya natija koʻrsatib, final bosqichiga yoʻl oldi.
Eslatib oʻtamiz; Maʼrufjon Murodulloyev ishtirokidagi final bellashuvi ertaga 7-sentyabr kuni Toshkent vaqti bilan soat 23:59 da boshlanadi.
Para pauerlifting boʻyicha ayollar oʻrtasida -73 kg vazn toifasida bahslarda ishtirok etgan hamyurtimiz Roʻza Kuziyeva 147 kg natija qayd etgan holda delegatsiyamiz hisobiga 9-kumush medalni qoʻshib qoʻydi.
Para yengil atletika boʻyicha ayollar oʻrtasida F54 klassida nayza uloqtirish dasturida Nurxon Qurbonova 21.12 metr natija qayd etgan holda jahon rekordini yangiladi va delegatsiyamiz hisobiga 10-oltin medalni qoʻshib qoʻydi.
