Sportdagi yil yakunlariga bagʻishlangan marosimda ikki karra Olimpiada chempioni Hasanboy Doʻsmatov 2024-yilning eng yaxshi erkak sportchisi deb topilgan boʻlsa, dzyudo boʻyicha Olimpiada chempioni Diyora Keldiyorova eng yaxshi ayol sportchi sifatida eʼlon qilindi.
Oʻzbekiston milliy jamoasi hamda “Lans” klubi aʼzosi Abduqodir Husanov esa yilning eng yaxshi yosh sportchisi deb topildi. Boks boʻyicha Oʻzbekiston milliy jamoasi – navbatdagi marta 2024-yilning eng yaxshi jamoasi deya eʼtirof etildi. Toʻlqin Qilichev esa yilning eng yaxshi murabbiyiga aylandi.
Unda sport sohasidagi bir qator nominatsiyalar boʻyicha sportchilar taqdirlanishdi. Jumladan:
- Yilning eng yaxshi yosh sportchisi: Abduqodir Husanov (futbol);
- Yilning eng yaxshi yosh paralimpiyachisi: Asadbek Toshtemirov (para taekvondo);
- Yilning eng yaxshi erkak sportchisi: Hasanboy Doʻsmatov (boks);
- Yilning eng yaxshi erkak paralimpiyachisi: Husniddin Norbekov (para yengil atletika);
- Yilning eng yaxshi ayol sportchisi: Diyora Keldiyorova (dzyudo);
- Yilning eng yaxshi ayol paralimpiyachisi: Nurxon Qurbonova (para yengil atletika);
- Yil kashfiyoti: Razambek Jamalov (erkin kurash);
- Muxlislar mehrini qozongan para sportchi: Roʻza Qoʻziyeva (para pauerlifting);
- Muxlislar mehrini qozongan sportchi: Sitora Turdibekova (boks);
- Yilning eng yaxshi terma jamoasi: Boks boʻyicha Oʻzbekiston terma jamoasi;
- Noolimpiya sport turlarida yilning eng yaxshi terma jamoasi: Shaxmat boʻyicha Oʻzbekiston terma jamoasi;
- Noparalimpiya sport turlarida yilning eng yaxshi terma jamoasi: Para shaxmat boʻyicha Oʻzbekiston terma jamoasi;
- Yilning eng yaxshi murabbiyi: Toʻlqin Qilichev;
- Yilning eng yaxshi para sport murabbiyi: Yahyo Yakubov;
- Yilning eng yaxshi sport federatsiyasi: Oʻzbekiston taekvondo WT assotsiatsiyasi;
- Yilning eng yaxshi sport tadbiri tashkilotchisi: Oʻzbekiston futbol assotsiatsiyasi;
- Yuksalayotgan federatsiya: Oʻzbekiston kamondan otish federatsiyasi;
- Yilning eng yaxshi hakami: Zuhra Abdullayeva (ogʻir atletika);
- Yilning eng yaxshi sport shifokori: Diana Sattarova (Respublika sport tibbiyoti ilmiy-amaliy markazi);
- Yilning eng faol sport targʻibotchisi: Nodir Toʻychiyev;
- Yilning eng yaxshi sport jurnalisti: Marina Yakubova (“Sport” telekanali muxbiri);
- Yilning eng yaxshi sport fotomuxbiri: Almurat Mamadaminov (OʻzA);
- Sport targʻiboti yoʻlidagi uzoq yillik xizmatlari uchun: Lola Abduyusupova (“Sport” telekanali rejissyori).
