Tojikistonda yakuniga yetib borayotgan dzyudo boʻyicha yoshlar oʻrtasidagi jahon chempionatida Oʻzbekiston terma jamoasi oltin medalga sazovor boʻldi.
Jumladan ushbu Jahon chempionatida -100 kg vazn toifasida ishtirok etgan Muhammadsodiq Sodiqov barcha raqiblarini magʻlubiyatga uchratib, final bahsida dzyudo vatani boʻlmish yaponiyalik Nozomu Mikidan ustun keldi.
Shu tariqa, terma jamoamiz yakkalik bellashuvlarini 1 ta oltin va 3 ta bronza medallari bilan yakunladi.
Dzyudo boʻyicha Oʻzbekiston terma jamoasi Vengriya mezbonlik qilayotgan “Masters” turniridagi ishtirokini yakunladi. Unda Muzaffarbek Toʻraboyev -100 kg vazn toifasida gʻalaba qozonib, oʻzbek dzyudosi uchun 12 yil kutilgan oltin medalni taqdim qildi.
