Investitsiya loyihasining qiymati 274 668,9 ming dollarni tashkil etadi. Obyektni 2024-yil dekabr oyida foydalanishga topshirish yiliga tarkibida oltin boʻlgan 4 million tonna hajmdagi maʼdanlarni qazib olish boʻyicha qoʻshimcha quvvatlar tashkil etish imkonini beradi.
Loyihani amalga oshirish uchun 245 070 ming dollar miqdorida 5 yil muddatga uch yillik imtiyozli davr bilan xorijiy kreditlar jalb etiladi.
Hujjat bilan quyidagilar tasdiqlandi:
- “Pistali” konida tarkibida oltin boʻlgan maʼdanlarni qazib olish va qayta ishlash kompleksini qurish (6-GMZ)” investitsiya loyihasi TIAning asosiy texnik-iqtisodiy koʻrsatkichlari;
- investitsiya loyihasi boʻyicha xorijiy banklar kreditlarini qaytarish reja-jadvali.
“Navoiy KMK” AJ qarz oluvchi boʻlib, investitsiya loyihasining amalga oshirilishi, xorijiy banklarning kreditlaridan maqsadli hamda samarali foydalanilishi uchun masʼul hisoblanadi.
Hujjat Qonun hujjatlari maʼlumotlari milliy bazasida eʼlon qilingan va 10.09.2021-yildan kuchga kirdi, deb xabar beradi “Norma”.
