U 2023-yilda “Titan” batiskafi bilan yuz bergan fojiadan keyin birinchi bo'lib buni amalga oshiradi. Bu haqda New York Post (NYP) gazetasi manbasiga tayanib xabar berdi.
Ekspeditsiya tafsilotlari sir saqlanmoqda, ammo bu holat muhokama qilinmoqda. Bu bir necha hafta ichida bo'lib o'tadi, dedi gazeta manbasi. “Siz uning ismini bilsangiz kerak”, dedi u.
NYP manbasi bu milliarderning bo'lajak ekspeditsiyani o'zi e'lon qilishiga to'sqinlik qilmoqchi emasligini tushuntirdi.
“Titan” sayyohlik qurilmasi 2023-yilning 18-iyunida 1912-yilda Shimoliy Atlantikada 3,8 kilometr chuqurlikda cho'kib ketgan okean layneriga tushish vaqtida g'oyib bo'ldi. Batiskaf bilan aloqa sho'ng'iganidan ikki soat o'tmay uzilib qoldi.
To'rt kundan so'ng qutqaruvchilar uning qoldiqlarini topishdi: batiskaf ichkariga yo'naltirilgan portlash tufayli butunlay qulab tushgan. Keyinchalik uning bo'laklari, ekipajning taxminiy qoldiqlari bilan birga yuzaga ko'tarilgan.
Amerikaning OceanGate Expeditions kompaniyasi apparati bortida besh kishi – uning asoschisi Stokton Rash, frantsiyalik chuqur dengiz tadqiqotlari faxriysi Pol-Anri Narjeole, britaniyalik milliarder va koinot sayyohi Xamish Xarding, shuningdek, pokistonlik tadbirkor Shahzoda Dovud va uning o'g'li Sulaymon bo'lgan.
2024-yil sentabr oyida AQShda halokat ishi bo'yicha sud majlisi bo'lib o'tdi. Sudning birinchi kunlarida Shimoliy Atlantikadagi falokat haqida kutilmagan tafsilotlar ma'lum bo'ldi. Shunday qilib, Sohil xavfsizlik xizmati ma'lumotlariga ko'ra, 2021-yilda qurilmada uskunani ta'mirlashni talab qiladigan 70 ta, 2022-yilda esa yana 48 ta holat qayd etilgan, deb xabar berdi rbc.ru.
OceanGatening sobiq texnik direktori Toni Nissenning so'zlariga ko'ra, Stokton Rash bilan ishlash juda qiyin bo'lgan, chunki u loyiha muddatini shoshiltirdi, moliyalashtirishni qisqartirishga harakat qildi va shuningdek, doimiy ravishda muayyan vazifalarga o'zgartirishlar kiritdi.
Bundan tashqari, sud majlisida aytilishicha, 2018-yilda batiskaf kamerasini sinovdan o'tkazish chog'ida uskunaga chaqmoq urilgan, bu esa korpusga zarar yetkazishi mumkin bo'lgan va bu oxir-oqibat bir necha yil o'tib fojiaga olib kelgan, deb xabar berdi rbc.ru.
