“Nurli maskan” maktabining oʻquvchisi shashka boʻyicha jahon chempionati oltin medali sohibi boʻldi

Jahon chempionatida Rossiya, Polsha, Litva, Qozogʻiston, Oʻzbekiston va Qirgʻiziston davlatlaridan shashkachilar qatnashdi.

Oʻzbekiston terma jamoasidan 13 nafar sportchi, jumladan, Oʻzbekiston Respublikasi Ichki ishlar vazirligi otaligʻidagi 77-sonli “Nurli maskan” ixtisoslashtirilgan maktab-internatining 10-sinf oʻquvchisi Sadoqat Tuleboyeva ham ishtirok etdi.

Shashkachilarimiz jami 12 ta, shundan 4 ta oltin, 6 ta kumush va 2 ta bronza medallarini qoʻlga kiritdilar. Quvonarlisi, Sadoqat Tuleboyeva 23 yoshgacha boʻlgan ishtirokchilar oʻrtasida klassik yoʻnalishi boʻyicha jahon chempioni, rapid yoʻnalishida esa bronza medali sovrindori boʻldi.