Xitoyning Xeylunszan provinsiyasida meva-sabzavot yetishtirish va qayta ishlash sohasida faoliyat yuritayotgan taniqli tadbirkor Li Chuenli Yangiyo‘lda ham shu yo‘nalishda ish boshlashi kutilmoqda. 
 
Kelishuvga ko‘ra, loyihani tatbiq etish uchun 41,4 gektar yer ajratilmoqda va bu yerda genetik ishlov berilmagan, tabiiy poliz ekinlari "Xitoy tajribasi" asosida yetishtiriladi. Bunda suv tejovchi texnologiyalardan foydalaniladi. 
 
Kelajakda mahsulotni saqlash omborxonasi ham quriladi. Yangiyo‘lda yetishtiriladigan poliz mahsulotlari chet elga eksport qilinadi. Loyiha qiymati – 5 million AQSH dollari. 
 
Eslatib o‘tamiz, Yangiyo‘l tumanida xorij kapitali ishtirokida 30 dan ortiq qo‘shma korxona faoliyat ko‘rsatib kelmoqda.