Oʻzbekiston futbol assotsiatsiyasi ijtimoiy tarmoqlarda assotsiatsiya bosh hisobchisi qanchadir mablagʻni oʻzlashtirib qochib ketgani toʻgʻrisidagi xabarlarga munosabat bildirdi.
Unda taʼkidlanishicha, OʻFA tomonidan holat yuzasidan oʻrganish ishlari olib borilmoqda.
"Ommaviy axborot vositalari vakillaridan tekshirilmagan va hali tasdigʻini topmagan maʼlumotlarni tarqatmaslikni soʻraymiz.
Oʻrganish ishlari yuzasidan tegishli xulosalar chiqarilgach, natijasi boʻyicha qoʻshimcha axborot beriladi", deyiladi xabarda.