Ohangaron shahrida narx-navo barqarorligini saqlash bo'yicha to'rtinchi sektor tomonidan tezkor choralar ko'rilmoqda

Ijtimoiy hayot 6 iyn 2022, 14:54 553

Xususan, asosiy turdagi oziq-ovqat mahsulotlari, shuningdek, un va non mahsulotlari ta'minotida uzilishlar bo'lmasligi uchun shahar davlat soliq inspektsiyasi boshlig'i Anvar Mo'minov boshchiligidagi mas'ul xodimlar savdo do'konlari, tadbirkorlar bilan faol ish olib borishmoqda.

Ayniqsa, savdo nuqtalarida non mahsulotlari narxini sun'iy oshirmaslik bo'yicha profilaktik suhbatlar o'z samarasini bermoqda. Shaharda ta'minot va narx-navo barqarorligi saqlanmoqda.

Shuningdek, O'zbekiston Respublikasi Prezidentining “Aholining ijtimoiy himoyaga muhtoj qatlamini manzilli qo'llab-quvvatlashga oid qo'shimcha chora-tadbirlar to'g'risida”gi qarori ijrosini ta'milash maqsadida 4-sektor rahbari boshchiligida sektor hududidagi mahallalarda yashovchi ijtimoiy himoyaga muxtoj 255 nafar fuqaroga 20 kilogrammdan un mahsulotlari tarqatildi, deb xabar beradi Toshkent viloyati hokimligi Axborot xizmati.