Bir milliondan ortiq odamning genetik testlarini tahlil qilgandan so'ng, tadqiqotchilar umr ko'rish davomiyligi uchun mas'ul bo'lgan genomning ayrim qismlarini aniqlashdi.

Qarish – bu har bir odamda turlicha namoyon bo'ladigan individual jarayon. Ba'zi odamlar genetik jihatdan tez qariydi, boshqalarida bu sekin kechadi. Nima uchun bu sodir bo'ladi degan savolga hali ham aniq javob yo'q bo'lsa-da, Edinburg universiteti olimlari sog'lom qarish va uzoq umr ko'rish bilan bog'liq DNK hududlari qondagi temir almashinuvi bilan bog'liqligini aniqlashdi. Turli mamlakatlarda o'tkazilgan ko'plab tadqiqotlar shuni tasdiqlaydiki, organizmda temir miqdorining buzilishi nafaqat kamqonlikka, balki yoshga bog'liq ba'zi kasalliklarga, masalan, Parkinson kasalligi, immunitet va jigar faoliyatining zaiflashishiga olib keladi.

Ekspertlarning fikricha, dunyoda 3,6 milliard odamning organizmida yashirin temir tanqisligi bor, ularning har ikkisidan biri temir tanqisligi bilan bog'liq kamqonligidan aziyat chekadi, bu dunyo aholisining taxminan 25 foizini tashkil qiladi.

Tanadagi temir tanqisligi umumiy zaiflik, charchoq, ish samaradorligi va diqqatning pasayishi, kunduzi uyquchanlik, infeksiyalar va shamollashlarga moyillikning kuchayishi, oyoq-qo'llarning sovishi, sochning ko'p to'kilishi, terining quruqligi va rangsizlanishi, gastritning kuchayishi kabi salbiy holatlarga olib keladi, deb xabar beradi mir24.tv.