Bu haqda diyetolog Aleksey Kabanov aytib o'tdi.
Mutaxassisning fikriga ko'ra, to'yingan yog'lar, transyog'lar va tabiiy yog'lar bo'lgan oziq-ovqatlarni ortiqcha iste'mol qilish xolesterin miqdorining oshishiga olib kelishi mumkin. Bunga yo'l qo'ymaslik uchun hayvon va sut mahsulotlarini, masalan, sariyog'ni iste'mol qilishni kamaytirish kerak.
Kabanovning ta'kidlashicha, kaloriyasi juda yuqori mahsulotlar, shu jumladan, uglevodlar va shakarli ovqatlar ham xolesterin bilan bog'liq muammolarni keltirib chiqaradi.
O'simlik asosidagi parhezga o'tish hamda don, meva va sabzavotlardan olinadigan tolalar ulushini oshirish vazn yo'qotish va xolesterin miqdorini kamaytirishga yordam beradi, deb xabar beradi aif.ru.
“Shakarli ichimliklar, ortiqcha shirin taomlar, tez o'zlashtiriladigan uglevodli mahsulotlardan butunlay voz kechish, go'sht va sut mahsulotlari iste'molini kamaytirish kerak. Ayniqsa, o'simlik tarkibidagi oqsilli oziq-ovqatlarni ratsionga kiritish juda muhim”, — dedi u.
