Transport vazirligining maʼlum qilishicha, 2024-yilda Toshkent metropoliteni 270,3 million yoʻlovchini tashigan.

Soʻnggi yillarda yoʻlovchilar oqimining oʻzgarishi:

— 2020-yil – 38,8 mln

— 2021-yil – 101,8 mln

— 2022-yil – 136,7 mln

— 2023-yil – 172,0 mln

— 2024-yil – 270,3 mln

Yoʻlovchilar oqimining keskin oʻsishi – metropolitenni rivojlantirish va modernizatsiya qilish boʻyicha amalga oshirilgan keng koʻlamli chora-tadbirlar natijasi hisoblanadi, jumladan:

— Yangi bekatlarni ishga tushirish va metro tarmogʻini kengaytirish

— Xizmat koʻrsatish sifati va sayohat qulayligini oshirish

— Liniyalarning oʻtkazuvchanlik qobiliyatini oshirish

— Harakatlanish chastotasi va harakatdagi tarkiblar sonini koʻpaytirish

Transport vazirligi barcha fuqarolar uchun qulay, tez va xavfsiz yoʻlovchi tashishni taʼminlagan holda, jamoat transportini yanada rivojlantirish boʻyicha ishlarni davom ettiradi, — deyiladi xabarda.