Mazkur tadbirda madaniyat vaziri Ozodbek Nazarbekov, hamda madaniyat vazirligi rahbariyati, markaziy apparati, tizim tashkilotlari rahbarlari, ijodkorlar va taniqli sanʼatkorlar va ommaviy axborot vositalari vakillari ishtirok etdi.
Joriy yil davomida oʻz ijodi bilan xalq qalbidan joy olgan quyidagi bir qator ijodkorlar 11 ta nominatsiya bilan taqdirlandi:
“Yilning eng faol ijodkori” – Muhammadziyo,
“Yilning eng yaxshi estrada guruhi” — “Benom” guruhi,
“Yilning eng yaxshi shou konserti” — Lola Yoʻldosheva,
“Yilning eng yaxshi soʻz ustasi” — Avaz Oxun,
“Yil qoʻshigʻi” — Ozoda Nursaidova,
“Yil yangi ovozi” — Shohruh Ergashev,
“Estradamiz nostalgiyasi” — Dijjey Pilligrim,
“Yilning eng yaxshi ayol xonandasi” — Ozoda Nursaidova,
“Yilning eng yaxshi erkak xonandasi” — Hamdam Sobirov,
“Vatanparvarlik tarannumi uchun” — Sevara Nazarxon,
“Oʻzbekkonsert” eʼtirofi» – Imron,
“Mavzuli yorqin qoʻshiqlari uchun” — Osman Navroʻzovlar 11 ta nominatsiya boʻyicha taqdirlandilar.
Bundan tashqari:
“Millat kuychisi” maxsus nominatsiyasi bilan Farrux Zokirov, Gʻulomjon Yoqubov,
“Ijodiga nisbatan kreativ yondashuvlari uchun” — Shohruhxon,
“Madaniy tadbirlardagi faolligi uchun” — Jahongir Poziljonov,
“Oʻzbek estrada sanʼati rivojiga qoʻshgan hissasi uchun” — Rayhon Gʻaniyeva taqdirlandi.
Shuningdek tadbir davomida Oʻzbekiston Respublikasi Prezidentining Farmoniga asosan, “Oʻzbekiston xalq artisti” mukofoti bilan taqdirlangan Tojikiston Respublikasining isteʼdodli ijodkori Nigina Amanqulovaga madaniyat vaziri Ozodbek Nazarbekov tomonidan mukofot tantanali topshirildi.
Maʼlumot uchun, gʻoliblar uzbekkonsert.uz saytida oʻtkazilgan soʻrovnoma natijalariga koʻra aniqlandi. Bu ochiq va shaffof tanlov tizimi muxlislarning oʻz sevimli ijodkorlariga ovoz berish imkoniyatini taqdim etdi.
Eslatib oʻtamiz, “Oʻzbegim-2024” milliy taqdimoti “Oʻzbekkonsert” davlat muassasasi tomonidan birinchi marotaba oʻtkazildi.
