Bu haqda Ijtimoiy himoya milliy agentligi xabar berdi.
Qayd etilishicha, markaz ijtimoiy masalalarni hal etish hamda Oʻzbekistonda ijtimoiy himoya va ijtimoiy xizmatlar tizimlarini rivojlantirish boʻyicha innovatsion saʼy-harakatlar markazi boʻlib xizmat qiladi.
Oʻzbekiston aholini ijtimoiy himoya qilish milliy agentligi, Kolumbiya universiteti, UNICEF va boshqa hamkor tashkilotlar oʻrtasidagi hamkorlik natijasi boʻlgan ushbu markaz aholini ijtimoiy muhofaza qilishning dolzarb masalalari boʻyicha ilgʻor innovatsiyalarni taʼminlashga xizmat qiladi.
“Ushbu markazning tashkil etilishi ijtimoiy xizmatlarni rivojlantirish va aholining zaif qatlamlarini qoʻllab-quvvatlashning yangi bosqichini anglatadi. Markaz nafaqat bilim va innovatsiyalar manbai, balki ijtimoiy ish xodimlari eng yaxshi amaliyotlar va tajriba almashishlari mumkin boʻlgan joy boʻlib xizmat qiladi”, dedi Shahnoza Mirziyoyeva, Ijtimoiy himoya milliy agentligi direktorining birinchi oʻrinbosari
Markaz faoliyati Oʻzbekistonda ijtimoiy taʼminot tizimini takomillashtirishga qaratilgan. Uning faoliyati xodimlarning kasbiy rivojlanishiga, samarali dasturlar va metodikalarni yaratishga, mazmunli tadqiqotlar oʻtkazishga va xalqaro hamkorlikni mustahkamlashga yordam beradi.
“Oilalar va jamoalar bilan aloqada boʻlgan oʻqitilgan ijtimoiy xizmat xodimlari bolalarni himoya qilish uchun juda muhimdir. Bolalarni himoya qilish sohasidagi fidoyi va malakali kadrlar saʼy – harakatlar va resurslarni muvofiqlashtirish hamda adolat va ijtimoiy himoya, sogʻliqni saqlash va taʼlim, xavfsizlik va tabiy ofatlar xavfini kamaytirish kabi barcha sohalardagi bolalar va oilalarni qoʻllab-quvvatlash tizimini taʼminlash uchun zarurdir,”- dedi UNICEFning Oʻzbekistondagi vakolatxonasi rahbari Rehina Kastijio. “Bularning barchasi, oʻz navbatida, aholining barcha qatlamlari uchun ijtimoiy adolat va hayot sifatini yaxshilashga xizmat qiladi,” – deya taʼkidladi u.
Ijtimoiy xizmat xodimlari kambagʻallikni kamaytirish, xavflarni aniqlash va boshqarish, shuningdek, bolalar va oilalar farovonligini oshirish uchun ijtimoiy xizmatlardan foydalanish va taʼminlashni osonlashtirish orqali hamjamiyatlardagi bolalar va oilalarni qoʻllab-quvvatlashda Markaziy rol oʻynaydi. Buni taʼminlash uchun Markaz ijtimoiy himoya va ijtimoiy xizmatlar sohasida taʼlim, tadqiqot va amaliyotni rivojlantirishga qaratilgan mustahkam taʼlim infratuzilmasini taklif etadi. Markaz Kolumbiya universiteti ijtimoiy ish maktabining (CSSW) akademik rahbarligi va mentorlik yordamiga tayanadi, Kolumbiya universitetining ijtimoiy ish boʻyicha yetakchi rolidan foydalanib, zaif aholi va mahalliy hamjamiyatlar farovonligini yaxshilaydigan innovatsion, dalillarga asoslangan saʼy-harakatlarni hamda ijtimoiy himoya tizimini mustahkamlaydi.
Markaz bilim almashish va ilgʻor tajribalarni rivojlantirishga, xalqaro aloqalar va hamkorlikni mustahkamlashga yordam beradi. Hamkor tashkilotlar oʻrtasidagi hamkorlik ijtimoiy himoya sohasida samarali, dalillarga asoslangan strategiya va dasturlarni ishlab chiqishga yordam beradi.
