Oʻzbekiston Respublikasi Prezidenti Shavkat Mirziyoyev 25-yanvar kuni diplomatik munosabatlar oʻrnatilganining 30 yilligi munosabati bilan oʻtkaziladigan “Markaziy Osiyo davlatlari - Xitoy” onlayn sammitida ishtirok etadi.
XXR Raisi Si Szinpin tashabbusi bilan tashkil etiladigan tadbir kun tartibiga muvofiq, Markaziy Osiyo mamlakatlari va Xitoy oʻrtasidagi 30 yillik hamkorlik yakunlari sarhisob qilinadi, koʻp qirrali munosabatlarni yanada rivojlantirish masalalari koʻrib chiqiladi va amaliy hamkorlikning istiqbolli sohalari belgilab olinadi.
Onlayn sammit yakunida Qoʻshma bayonot qabul qilinishi rejalashtirilgan.
Prezident Shavkat Mirziyoyev raisligida 7-noyabr kuni qishloq xo‘jaligida suv va energiya manbalaridan oqilona foydalanish hamda yo‘qotishlarni kamaytirish chora-tadbirlari yuzasidan videoselektor yig‘ilishi o‘tkazildi.
Nasos stansiyalariga 1,7 mingta “onlayn” nazorat qurilmasi va 12 mingta “aqlli suv” qurilmasi olib kelingan. Lekin ulardan olinadigan maʼlumotlarni jamlab, tahlil qiladigan axborot tizimi yoʻq.
Respublika boʻyicha 2 million gektarda suv tejovchi texnologiyalar joriy qilingani natijasida oʻtgan yilning oʻzida 2 milliard kub metr suv tejaldi. 50 dan ortiq mahalliy korxona bunday texnologiyalarni oʻzimizda chiqarayapti.
Hozir respublikadagi 2,5 million gektar yerni sugʻorishga 1 ming 600 dan ziyod nasos stansiya yiliga 6,8 milliard kilovatt elektr sarflayapti. 2017-yilda 2 million gektarga 8,3 milliard kilovatt ishlatilar edi.
