Kun tartibidagi ikki davlat oʻrtasidagi savdo-iqtisodiy va investitsion hamkorlik, shuningdek, qishloq xoʻjaligi sohasidagi ilmiy va institutsional sheriklikning dolzarb masalalari muhokama etildi.
Oʻzbekiston hududida amalga oshirilayotgan loyihalar masalasiga alohida eʼtibor qaratildi. Shunday qilib, bugungi kunda Qozogʻiston kapitali jalb qilingan holda 101,3 million dollar qiymatidagi 3 ta loyiha amalga oshirilyapti. Ular orasida Namangan viloyatida umumiy qiymati 40 million dollarga teng sovitkichli omborxonalarni yaratish va Namangan viloyatida qiymati 43,8 million dollarlik meva-sabzavot mahsulotlarini qayta ishlash agroklasterini ishga tushirish kabilar bor.
Shuningdek, investitsiyaviy hamkorlik masalalari doirasida kelgusida Oʻzbekistonga eksport qilish uchun Qozogʻistonda qishloq xoʻjaligi ekinlarini hamkorlikda yetishtirish, Qozogʻiston Respublikasiga sabzavot, koʻkat va kartoshkaning ertapishar navlarini sotish boʻyicha forvard shartnomalarini tuzish, Qozogʻiston donini chuqur qayta ishlash uchun donni qayta ishlash klasterini tashkil etish loyihalari muhokama etildi.
2021-yilda Oʻzbekiston va Qozogʻiston oʻrtasidagi tovar ayriboshlash hajmi 1,2 milliard dollarga yetdi. Xususan, eksport – 223,1 million dollar, import – 966,2 million dollar.
2022-yil yanvar-sentyabr oylarida oʻzaro tovar ayirboshlash hajmi 1,3 milliard dollarni tashkil etdi: eksport – 185,5 million dollar, import – 1,1 milliard dollarga teng boʻldi, deb xabar beradi Qishloq xoʻjaligi vazirligi matbuot xizmati.
Maʼlumot uchun: Oʻzbekistonning asosiy eksport mahsulotlari: sabzavot (64,3 million dollar), meva (37,7 million dollar), uzum (25,7 million dollar), quritilgan sabzavotlar (12,1 million dollar), qovoq (11,0 million dollar), tuxum (7,3 mln dollar), dukkaklilar (6,9 million dollar) ), qandolat mahsulotlari (5,4 million dollar), yongʻoqlar (3,7 million dollar), qayta ishlangan ovqatlar (3,7 million dollar).
Oʻzbekistonning asosiy import don mahsulotlari (546 mln dollar), yogʻ mahsulotlari (144,5 mln dollar), chorva ozuqasi (129,8 mln dollar), oziq-ovqat mahsulotlari (112,4 mln dollar), goʻsht (74,1 mln dollar), urugʻlik (57,3 mln dollar), qandolat mahsulotlari (11,8 mln dollar), sut mahsulotlari (4,4 mln dollar), tamaki mahsulotlari (4,2 mln dollar).
