Mazkur kompaniya tomonidan ishlab chiqilgan va hozirda klinik sinovda o'tayotgan vaktsina koronavirus yuza antigenining genetik-muhandislik oqsili bo'lib, u adenovirus hamda inaktivlashgan vaktsina turlari bilan taqqoslanganda yuqori darajada xavfsiz hisoblanadi. Genetik-muhandislik oqsili zararlangan organizmda aynan unga qarshi antitanachalar ishlab chiqaradi.
Muzokaralar davomida o'tkaziladigan klinik sinovlarning barcha bosqichlari muvaffaqiyatli yakunlangan taqdirda, O'zbekiston ushbu vaktsinani birinchilardan bo'lib hamda arzon narxlarda xarid qilishda ustuvorlikka ega bo'lishi ta'kidlandi.
Innovatsion rivojlanish vazirligi mutaxassislari xitoylik hamkorlar bilan emlash jarayonini tashkil etish, jarayonga tayyorgarlik ko'rish masalalarini muhokama qildi. Klinik sinovlar 18 va undan katta yoshdagi ko'ngilli insonlarda o'tkazilishi kutilmoqda. Sinov boshlanishidan oldin Xitoy Xalq Respublikasi vakillari tomonidan emlash shartlarini tushuntirishga qaratilgan bir qator treninglar o'tkaziladi.
