Bolalar Ombudsmanining xabar berishicha, “Equality Now” xalqaro inson huquqlari tashkiloti tomonidan olib borilgan tadqiqotda Yevrosiyoning 7 ta davlati: Armaniston, Ozarbayjon, Gruziya, Qirgʻiziston, Rossiya, Tojikiston va Oʻzbekistondagi bolalar nikohi, erta nikoh va majburiy nikoh muammosi har tomonlama tahlil qilingan. U inson huquqlarining buzilishiga qarshi kurashish uchun asosiy sabablar, oqibatlar, huquqiy va siyosiy asoslar va ehtimoliy aralashuv strategiyalarini oʻrganadi.
Maʼlumot oʻrnida, Oʻzbekistonda 2019-yildan boshlab, erkaklar va ayollar uchun yagona nikoh yoshi 18 yosh etib belgilangan.
Umumiy holatni taqqoslash uchun taʼkidlash joizki, 2018-yilda Respublika boʻylab 5123 ta erta nikoh holati qayd etilgan boʻlsa, 2023-yilga kelib, erta nikohlar soni faqat 42 tanigina tashkil etgan.
