Turizmni rivojlantirish qoʻmitasining xabar berishicha, Assotsiatsiya vakillari “Ustozlar markazi”ni yaratish hamda ziyorat va ekologik turlar uchun foto-videomateriallarni tayyorlash doirasida Navoiy va Buxoro viloyatlarida boʻlishdi.
Tashrif doirasida ular Mir Said Bahrom va Qosim shayx noyob maqbaralari, shuningdek Raboti Malik karvonsaroyi va Sardoba suv ombori, yetti pir maqbarasi, soʻfi shayx Sayfiddin Boxarziy maqbarasi, Xoʻja Zayniddin kompleksi, Chor-Bakr nekropoli va koʻplab boshqa obidalarni ziyorat qilishdi.
Yuqorida nomlari keltirilgan obyektlarga tashrif asosida toʻplangan materiallar ziyorat-turlar boʻyicha gid-mutaxassislarning oʻquv dasturiga kiritiladi.