Mazkur olimpiadada mamlakatimiz sharafini Toshkent shahridagi Prezident maktabi va Muhammad al-Xorazmiy nomidagi ixtisoslashtirilgan maktabi oʻquvchilari himoya qildilar.
Yakuniy natijalar boʻyicha Toshkent shahridagi Prezident maktabining 11-sinf oʻquvchilari Javlon Hasanov, Islom Boyqobilov va Muhammad al-Xorazmiy nomidagi ixtisoslashtirilgan maktabining 11-sinf oʻquvchisi Asliddin Olimjonov oltin medalni qoʻlga kiritdi.
Shuningdek, Toshkent shahridagi Prezident maktabining 10-sinf oʻquvchisi Umar Azimov hamda Muhammad al-Xorazmiy nomidagi ixtisoslashtirilgan maktabining 10-sinf oʻquvchilari Diyoraxon Mahmudova va Ibrohim Ismoilovlar kumush medal sohibi boʻldilar, deb xabar beradi “Dunyo” AA.
Xalqaro standartlar olimpiadasi butun dunyo boʻylab oʻrta maktab oʻquvchilari oʻrtasida oʻtkaziladi.
Turnir 2014-yilda sinov tariqasida xalqaro miqyosda oʻtkazilgan boʻlib, 2015-yildan boshlab rasman xalqaro olimpiada sifatida tan olingan.
