Bu haqda Tashqi mehnat migratsiyasi agentligi matbuot xizmati xabarida aytilishicha, xorijiy salohiyatli ish beruvchilar bilan yurtdoshlarimizni yirik qurilish, xizmat koʻrsatish va ishlab chiqarish obyektlariga ishga jalb qilish boʻyicha kelishuvlarga muvofiq, bugun 164 yurtdoshimiz Rossiyaning Kemerovo shahri aeroporti qurilishida ishlash uchun charter reys orqali joʻnab ketdi.
Ularning transport, ovqatlanish, patent va yashash xarajatlari, kasal boʻlganda davolanishi ish beruvchi kompaniyalar tomonidan taʼminlanishi, shuningdek, oylik ish haqi oʻrtacha 40-65 ming rublni tashkil etishi belgilangan.
Yurtdoshlarimiz 14 kunlik karantindan soʻng belgilangan epidemiologik talablar va karantin cheklovlariga rioya qilgan holda qurilish obyektlarida ish boshlaydi.
